Skilmálar og skilyrði

"Sporið" merkir Sporið ehf., kt. 661125-1870, sem rekur tæknivettvang fyrir dýrapössun.

"Pössunarpía" merkir sjálfstæður verktaki sem hefur undirritað samstarfssamning við Sporið og veitir dýrapössunarþjónustu í gegnum Sporið vettvang.

"Viðskiptavinur" merkir einstaklingur sem notar Sporið þjónustuna til að bóka pössun fyrir gæludýr sín.

"Þjónustan" merkir Sporið vettvangur og tengd þjónusta sem veitt er í gegnum vefsíðuna sporidmitt.is.

Sporið býður upp á tæknivettvang sem tengir saman dýraeigendur og Pössunarpíur. Sporið er ekki dýrapössunarfyrirtæki heldur miðlari sem auðveldar samskipti, bókanir og greiðslur milli aðila.

Pössunarpíur eru sjálfstæðir verktakar og ekki starfsmenn Sporið. Samningur um pössunarþjónustu er milli viðskiptavinar og viðkomandi Pössunarpíu. Sporið annast vettvang, greiðslumiðlun og gæðaeftirlit.

Skilmálar þessir ("Skilmálar") gilda um notkun þjónustu Sporið ("Þjónustan"), sem er dýrapössunarþjónusta veitt af Sporið ehf. ("Sporið", "við", "okkar"). Með því að bóka þjónustu hjá okkur og nota hana samþykkir þú að fylgja þessum Skilmálum.

Um notkun Þjónustunnar gilda íslensk lög. Rísi ágreiningur vegna notkunar eða skilmála Þjónustunnar skal reka þann málflutning fyrir Héraðsdómi Reykjavíkur.

Allar bókanir eru háðar staðfestingu frá Sporið. Við áskiljum okkur rétt til að hafna bókun ef við teljum að þjónustan henti ekki dýrinu eða aðstæðum. Greiðsla fer fram samkvæmt samkomulagi við bókun og verð miðast við gildandi verðskrá á hverjum tíma.

Heildarverð þjónustu skiptist í greiðslu til pössunarpíu og þjónustugjald til Sporið. Þjónustugjaldið nemur 33% af heildarverði og ber 24% virðisaukaskatt.

Viðskiptavinir geta afbókað eða breytt bókun með að minnsta kosti 24 klukkustunda fyrirvara án kostnaðar. Afbókanir með styttri fyrirvara kunna að vera háðar afbókunargjaldi. Ef Sporið þarf að afbóka þjónustu vegna ófyrirséðra aðstæðna, munum við leitast við að finna aðra lausn eða endurgreiða að fullu.

Sporið leggur sig fram um að veita örugga og faglega umönnun fyrir öll dýr. Hins vegar viðurkenna viðskiptavinir að dýrapössun felur í sér ákveðna áhættu og að Sporið ber ekki ábyrgð á:

• Meiðslum eða veikindum sem dýr verður fyrir við eðlilegar aðstæður og án vanrækslu af hálfu Sporið.
• Hegðunarvandamálum eða skemmdum sem dýr veldur á eignum Sporið eða þriðja aðila.
• Atvikum sem verða vegna ófullnægjandi upplýsinga frá eiganda um heilsufar, hegðun eða sérþarfir dýrs.

Eigendur bera ábyrgð á að veita Sporið allar nauðsynlegar upplýsingar um dýrið, þar á meðal um heilsufar, hegðun, ofnæmi, lyfjameðferðir og aðrar sérþarfir.

Dýr sem koma í pössun skulu vera heilbrigð og með uppfærðar bólusetningar. Sporið áskilur sér rétt til að neita að taka við dýri sem sýnir merki um veikindi eða smitsjúkdóm. Ef dýr veikist meðan á pössun stendur, mun Sporið hafa samband við eiganda og geta farið með dýrið til dýralæknis ef þörf krefur. Eigandi samþykkir að bera kostnað vegna slíkrar dýralæknisþjónustu.

Sporið safnar persónuupplýsingum sem nauðsynlegar eru til að veita þjónustuna, þar á meðal nafn, símanúmer, netfang, heimilisfang og upplýsingar um dýr. Við meðhöndlum öll gögn í samræmi við íslensk lög um persónuvernd og GDPR (Reglugerð (ESB) 2016/679).

Sporið mun aldrei selja persónuupplýsingar til þriðja aðila. Við getum þó deilt upplýsingum með þjónustuaðilum okkar (svo sem greiðslumiðlum) eftir þörfum til að veita þjónustuna.

Sporið getur tekið myndir eða myndbönd af dýrum meðan á pössun stendur. Með því að samþykkja þessa skilmála veitir eigandi Sporið heimild til að nota slíkt efni í kynningarstarfsemi, á samfélagsmiðlum og á vefsíðu okkar. Eigendur geta hvenær sem er óskað eftir að dýr þeirra séu ekki birt opinberlega.

Sporið ber ekki ábyrgð á tjóni sem hlýst af ófyrirsjáanlegum atburðum svo sem náttúruhamförum, veðurofsi, verkföllum eða öðrum sambærilegum aðstæðum sem eru utan okkar stjórnunar.

Sporið getur breytt þessum Skilmálum hvenær sem er. Uppfærðir skilmálar taka gildi við birtingu á vefsíðu okkar. Áframhaldandi notkun þjónustunnar eftir breytingar telst sem samþykki þeirra.

Ef þú hefur spurningar um þessa Skilmála eða þjónustu okkar, hafðu samband við okkur á sporidmitt@sporidmitt.is